؟؟؟؟؟؟؟؟؟؟؟؟؟؟ منقول

السلام عليكم ورحمته الله وبركاته
مساء الخير ...
... بقولكم قصتي ..انا عمري 21من الدمام.. اسمي ناصر واسمي الحقيقي شعيع..
متاخره بدراسه بسبب ضروف لايعلمها الا الله ...
بس حمد لله ما سقطت حمد لله...
يا عالم حواء ...
انا استشيركم بللي فيني مدري وش صار لي انقلب حالي 180 درجه كنت وصرت
كنت بنت عاديه شعري طويل ملابسي ملابس بنت يعني يوم تشوفيني تقولين هذي بنت عاديه
وحمد لله معروفه اني بنت ومستواي حلو بدراسه بس تغيرت اي نعم تغيرت بس مدري ليش تغيرت مدري ليش انحرفت لهذا الطريق ...
المهم يا بنات حبيت بنت ما درت عني عشقتها من كنت بااولى ثانوي وهي ثاني ثانوي علمي امووت عليها وعلى التراب اللي تمشي عليه وهي ماتدري عموما شفتها كشخه البنت وحركات رحت اكشخ مثلها ومنها قصيت شعري من هنا تغيرررت مدري ليش تغيرت مدري ليش ؟؟!!
المهم هنا اللي خربت فيها صدق ورحت اشتري ملابس للاولاد اول شي كنت بمحل وشفت ملابس اولاد وكنت اخااف اقرب منها وشعوري مثل كذاا وربي خفت اخذ قميص واحد
بس اخذت وشريت لدرجه جيت يوم وشريت ملابس رجاليه بهبل
والمحاسب يستحقرني يشوفني بنص عيني وانا مكسوره كأني اقوله غصب عني وش اسوي ..
المهم رحت لثاني ثانوي وهي بااقي ما تعرف اني احبها .....
المهم رحت وقلت لها وعطيتها ايميلي وكلمتني بس استحقرت نفسي مدري ليش رحت لها وصرت بوويه لدرجه البنات يتحرشون فيني وانا ولا اعطيهم بال واللي يعرفوني قبل اني بنت صارو يناظروني بنص عين وانا وربي بس شكل تغيرت اما داخليا نفس الشي هذي انا ما تغيرت واقاوم البنات
..المهم صرت اتعرف على البويات والبويات يعطوني وجه ويسلمون علي ويحترموني
المهم البنت هذي صرت استحقرها كرهتها اشلون غيرتني بطريقه ذي وهي ما تعرفني ولا انا اعرفها وهي مالها ذنب بس انا تغيرت وصرت اقص شعري لدرجه الحين قصيته بوي وخلاص بصير بوي بقوه
وصرت امشي مشي رجال واذا رحت لمكان واحد شافني من شكلي عرف اني بويه
يعني صار كل شي ولد +ولد ماعاد اهتم مثل البنات ....
وحلق اولاد وخرمت اذاني واكسسوارت رجاليه وعطور رجاليه
يعني انا انتهيت من ناحيه الانثى انا بويه
بنات احس شي يحركني لهذا الطريق ..
ياناااس اسئلكم بالله وش غيرني وش اللي خلاني كذااا؟!!!!!!!!!
اللي تسأل عن اهلي اهلي مدري وش اقولكم عنهم يمكن منتبهين ويمكن مو منتبهين!!! مدري والله واذا انتبهو بيسون شي ؟!!وش بيسون يعني ؟؟؟!! ماراح يسون شي تراني صادقه لو بيسون بخلوني اتغير راح اعناد ولا اتغير بس عناد ..عشان كذا التجئت لكم ,,
اصلا البويات لو تشوفونهم اهلهم يعني امهاتهم واباتهم عادي عندهم وهذا انا اشووفه بعيني وبنات يقصون شعرهم بووي وامهم عادي عندها .. وحده تقولي ابوها واخوانها ما ينادونها الا عبود ,,يمكن تنصدمون بس شوفو واحكمو ا اصلا يا بنات في حفلات خلاعه هنا بين البنات كلها تجمع للبويات والكيوتات كأنك قاعده بديسكو واشياء تصير ما تنقال ..لو اني راضيه عن نفسي ما كتبت اللي كتبته لكم واحتاج الى مسااعده فعلا..
بنات انا سمينه مقاسي 18 واحيانا 20=36او38 <<مأثر علي ومخلي نفسيتي زفت
سمنتي هي مقلله ثقتي في نفسي ومحطمتني بقووه واحب اكل المقليات والوجبات السريعه والمعكرونه وكل شي معجن لما اشوف الاكل ما اقاوم اقعد اكل لين يخيب ثناي وبعدها اتندم ياااااااااااااااالله مرات افكر بالانتحار
وملابس الرجاليه التجئت لها لانها اكثرها على مقاسي شفتو انا سمينه
اصلا كل بنات الثانوي يلبسون ملابس رجاليه بس مو الكل اغلبيتهم
بس تبون الصدق لما الفت الانتباه ارتاح احس شعوري حلو
لانه يطلعني اني جميله ومقبوله عند الكل وهذا يفرحني..
واللي تقول انقلي ماهو حل لانه منتشر البوياات والكيوتات بكل المدارس..
خوفي الحين اني اخاوي واحب بنت واخليها زوجتي....
اتمنى ما تجرحوني بكلام وتتفهموني انا حكيت كل شي يخصني وحقيقه قصه تحولي ...



بس ان شاء الله باذن الواحد الاحد اتغير ما تجي المدرسه الا وانا راجعه مثل ما كنت واحسن
بس ابي افهم وش وصلني هذا الطريق وصديقاتي صديقات فعلا صالحات مدري كيف وصلت لدرجه ذي......
..تكفون ادعولي لتيسر بطريقي.

والله ثم والله لو عاجبني حالي ما كتبت قصتي ولا حالي اللي مو عاجبني وكتبته من كل قلبي
واللي حصل لي صدق وربي حقيقه يمكن تستغربون بس هذي الحقيقه....